Your cart is currently empty!
Կրունկների ճաքեր
Կրունկների
ճաքեր
Menu
Ճաքերը մաշկի ամբողջականության խախտման, էպիդերմիսի առաձգականության ու էլաստիկության կորստի հետևանք են: Մաշկի վրա տարբեր գործոնների ազդեցության ներքո խաթարվում է հիդրոլիպիդային հավասարակշռությունը:
Կրունկների ճաքերը կարող են լինել ինչպես փոքր ու աննշան, որոնք ցավային զգացողություններ չեն առաջացնում, այնպես էլ արյունոտ ու խորը բացվածքներով, որոնք հանգեցնում են ցավի քայլքի ժամանակ:
Կրունկների ճաքերը կարող են առաջանալ ցանկացած տարիքի և սեռի անձանց մոտ: Դրանց ժամանակին չբուժումը հանգեցնում է խորության ավելացմանը, սուր ցավի և բորբոքման նշանների առաջացմանը, որոնք խանգարում են բուժման գործընթացին:
Տարբերակում են՝
Մակերեսային կամ էպիդերմալ ճաքեր, որոնք տարածվում են միայն ենթամաշկային շերտերում և ապաքինումից հետո հետքեր չեն թողնում:
Խորը և դերմալ ճաքեր, որոնք ընդգրկում են բուն մաշկի շերտերը, և ապաքինումից հետո հնարավոր է սպիների առաջացում: Խորը ճաքերը կարող են լինել ցավոտ և հնարավոր է արյունահոսություն:
Կրունկների ճաքերի առաջացման պատճառները կարող են լինել էկզոգեն և էնդոգեն: