Օնիխոդիստրոֆիաները եղունգների ձևաբանական փոփոխություններն են, որոնք զարգանում են հոդաեղնգային ապարատի վրա՝ էկզոգեն կամ էնդոգեն ազդակների ներգործությամբ: Խախտվում է տրոֆիկան:

Օնիխոդիստրոֆիաները (օնիխոպատիաներ, եղնգաթերթիկների ձևախեղում) հաճախ մաշկային, սոմատիկ կամ այլ բնույթի հիվանդությունների հետևանք են (անհրաժեշտ է ընդհանուր կլինիկական հետազոտություններ անցկացնել, որոնք հնարավորություն կտան ախտորոշել մի շարք վտանգավոր հիվանդուևթյուններ դեռևս զարգացման վաղ շրջանում):

Եղունգների ախտաբանության շուրջ 50 տոկոսը օնիխոդիստրոֆիաներ են, իսկ մյուս 50 տոկոսը՝ օնիխոմիկոզներ: Օնիխոդիստրոֆիաների դեպքում ախտահարվում են թե ձեռքերի, թե ոտնաթաթերի եղունգները, երբեմն՝ համաժամանակ: Ախտահարումը կարող է դրսևորվել նորմոտրոֆիկ, ատրոֆիկ և հիպերտրոֆիկ կազմափոխություններով:

Օնիխոդիստրոֆիաների զարգացմանը նպաստող էկզոգեն գործոններ