Your cart is currently empty!
Դերմատոմիկոզ
Մաշկի սնկային ախտահարումները մաշկային հիվանդությունների խումբ են, որոնք պայմանավորված են սնկային վարակով:
Առաջացմանը նպաստող հանգամանքներն են խոնավությունն ու տաք միջավայրը: Առավել հանդիպող տարատեսակներն են ոտնաթաթի մաշկի սնկախտները:
Մաշկի սնկային ախտահարումները կարող են լինել մարմնի տարբեր հատվածներում՝ սկսած ոտնաթաթերից, ձեռքերից, որովայնի շրջանից, ներառել դեմքն ու գլխամաշկը:
Մաշկի սնկային ախտահարումները հիմնականում հարուցվում են երեք տեսակի սնկերի միջոցով՝ միկոսպորա, տրիխոֆիտիա, էպիդերմոֆիտիա:
Մաշկի սնկային ախտահարման ախտանշաններն են՝
մաշկի կարմրավուն ցանավորումները
բշտիկները
թեփոտումը
քորը
ճաքերը
Բուժում
Իրականացվում է տեղային և համակարգային հակասնկային թերապիա՝ կախված բարդության աստիճանից, հիվանդի գանգատներից ու հիվանդության երկարատևությունից:
Խորհուրդ բուժառուին
Առանց լաբորատոր հետազոտությունների և առանց բժշկի նշանակման չկիրառել հակասնկային միջոցներ:
Անկախ ամեն ինչից միշտ լողանալուց հետո ամբողջ մարմինը պետք է լավ չորացնել՝ հատկապես միջմատային հատվածները, թևատակերը, աճուկային հատվածը, կրծքի շրջանը: Լողավազաններից անհրաժեշտ է օգտվել անձնական հիգիենիկ հողաթափերով: